D’fhorbair MLI agus EDMO Ireland clár oiliúna um litearthacht sna meáin agus é mar aidhm aige líonra d’oiliúnóirí pobalbhunaithe a fhorbairt a chabhróidh le daoine aonair, pobail agus institiúidí faisnéis iontaofa chruinn a aithint agus í a úsáid chun cinntí eolasacha a dhéanamh.
Tá trí shnáithe sa chlár oiliúna.
Tabharfaidh sraith seisiún ar líne ‘Oiliúint a chur ar an Oiliúnóir’ cumhacht d’éascaitheoirí foghlama pobalbhunaithe leis an eolas, na huirlisí, na teicnící agus na hacmhainní is gá chun Ceardlanna ‘Bíodh Tuiscint Agat ar na Meáin’ a chur ar fáil ina bpobail féin. Más mian leat foghlaim conas ceardlann ‘Bíodh Tuiscint Agat ar na Meáin’ a chur ar fáil, cláraigh anseo.
News / EventsBainfidh ceannairí pobail, leabharlannaithe, múinteoirí agus cóitseálaithe úsáid as a gcuid scileanna nua agus as ‘Ceardlann i mBosca’ de chuid ‘Bíodh Tuiscint Agat ar na Meáin’ chun ceardlanna ar líne agus go pearsanta a chur ar fáil laistigh dá bpobal féin. Coinnigh súil amach le haghaidh póstaeir ‘Bíodh Tuiscint Agat ar na Meáin’ ag fógairt na gceardlann sin i do phobal.
Le linn an fheachtais ‘Bíodh Tuiscint Agat ar na Meáin’ tabharfar cuireadh don phobal clárú le haghaidh seimineár gréasáin ar líne ‘Bíodh Tuiscint Agat ar na Meáin’ chun cabhrú leo na scileanna agus an mhuinín a fhorbairt chun faisnéis chruinn iontaofa a aithint.
Coinnigh súil ar an rannóg nuachta/imeachtaí ar an láithreán gréasáin seo le haghaidh sonraí.
